Përpara se të postoni në këtë forum

Përshëndetje të gjithëve,

Kam vënë re kohët e fundit që janë shumuar temat e reja të cilat përbëhen me citime artikujsh të mara nga gazeta/revista të ndryshme. Diçka e tillë është normale për forumin "Shtypi i dites" por jo këtu.

Ne rastin kur një anëtar vendos të postojë dhe të trajtojë nga ana filozofike/psikologjike/sociologjike një artikull gazete, duhet që postuesi i temës të japi kontributin vetiak në temë duke komentuar/kritikuar mbi temën e hapur. Në një rast të tillë stimulohet edhe dialogu dhe bashkëbisedimi me anëtarë të tjerë.

Tema të cilat përbëhen thjesht nga citime/artikuj të pashoqëruara me mendimet dhe analizën përkatëse do shpërngulen në forume të tjera ose do fshihen.

Gjithashtu, postimet me karakter fetar dhe citimet nga Bibla dhe Kurani do fshihen si të papërshtatshëm . Për të shtjelluar besimet tuaja personale mund të frekuentoni nën-forumet e posaçme.

Gjithashtu, gjuha perkatese e ketij forumi eshte shqip dhe vetem shqip

Bisedim të mbarë

A është inteligjenca e trashëguar apo është një shprehje individuale e përcaktuar nga faktorë të përgjithshëm? Nëse ju jeni përpara një gjëje të vështirë, dorëzoheni, arsyetoni nëse keni arritur në limitin e aftësive tuaja njohëse. A i lidhni sukseset tuaja me zgjuarsinë, ndërsa dështimet me mungesën e inteligjencës? A e konsideroni aftësinë intelektuale si një komponent të domosdoshëm të çdo arritjeje apo janë përpjekjet dhe puna e madhe që bëni që ju çojnë drejt suksesit? A është inteligjenca fikse dhe e lindur? A është ajo një ndërthurje e faktorëve personal, si: përpjekjet dhe motivimi dhe e faktorëve mjedisorë, si: familja dhe pjesëtarët e shoqërisë?