PROLONGOHEN NDESHJET E PARAPARA PËR NË GJERMANI

Numri i postimeve : 7 Registration date : 31/03/2007

Siç e dini, Përfaqësuesja e Kosovës në futboll është dashur që brenda periudhës prej 20 Korrikut e deri më 06 Gusht t’i zhvillojë dy ose tri ndeshje me ekipet: Carl Zeiss Jena, Roth-Weiss Erfurt dhe Erzgebierge Aue. Përkundër vështirësive materiale dhe të tjera, FFK-ja arriti që të gjejë zgjidhje për mbulimin e akomodimit dhe shpenzimeve tjera duke kontaktuar me sponzorë dhe donatorë të ndryshëm.
Sponzor kryesor ishte i gatshëm të jetë PTK-ja dhe disa të tjerë.Seleksionuesi Edmond Rugova bëri përpjekje dyjavore për grumbullimin e futbollistëve për ndeshjet në fjalë duke mos e harruar faktin se shumica e tyre ishin në pushime, ndërsa lojtarët që luajnë jashtë Kosovës kishin probleme me ekipet e tyre të cilat nuk ishin të gatshme që t’i lëshojnë lojtarët Kosovarë për këto ndeshje miqësore duke aluduar se kishin ndeshje të rëndësishme si psh. KF Elbasani, KF Teuta etj.
Nga lista e parë për këto arsye, dështuan të vijnë: Fisnik Papuqi, Ilir Nallbani, Enver Jashari, Burim Hashani si dhe në pikëpyetje ishin Besnik Hasi dhe Kristian Nushi (obligimet me Klubet e reja).
Brenda një jave, në pamundësi të grumbullojë ekipin komplet që luajti kundër Arabisë Saudite bëri shumë herë ndryshime thelbësore të Përfaqësueses së Kosovës, të cilat humbën strukturën e paraparë për përballje me ekipet e forta Gjermane.
Ndërsa, sot kur ishte afati i fundit për dorëzimin e dokumentacionit për viza dhe kur të gjithë lojtarët ishin të njohtuar me kohë, në momentin e fundit dështuan edhe katër futbollistë: Shpëtim Idrizi, Fisnik Gashi, Genc Hyseni si dhe Uliks Emra i cili ishte i vetmi me arësye dhe i paralajmëruar.
Krejt kjo ndryshoi tërësisht strukturën e Përfaqësueses së Kosovës, dhe është e pamundshme të ristrukturohet një ekip i denjë për këtë sfidë brenda një periudhe kaq të shkurtër kohore.
Prandaj, me shumë keqardhje ky udhëtim i paraparë shtyhet për një kohë të mëvonshme, kur të gjithë futbollistët do të ishin komplet dhe të përgatitur për ndeshjet e caktuara më parë.
Për terminin e ri të ndeshjeve do të merremi vesh me Federatën e Futbollit të Thuringenit dhe me Vëllezërit Shoshi si organizatorë kryesorë , të cilët edhe një herë i falënderojmë shumë.